SUNNMØRSMUSEA AS

Formål

Selskapet har som mål å skape det samlande konsoliderte museumsselskapet for Sunnmøre. Selskapet skal bygge på lokal og regional forankring med museum og kommunar i Sunnmøre region samt i Møre og Romsdal fylkeskommune. Det er desse som skal eige aksjane i selskapet. Selskapet skal settast i drift så snart eigarforhold, avtaler og funksjonar oppfyller krava innanfor Det nasjonale museumsnettverket. Selskapet er eit driftsselskap for aksjonærane sitt samla engasjement i museum, dvs arbeidet med innsamling, bevaring, forsking, forvaltning og formidling av materiell og immateriell kultur- og naturarv, aktuelle oppgåver innanfor fag og forvaltning etter lov eller separat vedtak, samt nasjonale og internasjonale oppgåver. Arbeidet skal ha høg kvalitet og utviklast i sterke fagmiljø i formelle og uformelle nettverk, og utførast i samsvar med gjensidige plikter for felles mål, slik dette skal leggast fast i ein aksjonæravtale. Selskapet skal arbeide innanfor ICOM sine normer og etiske regelverk. Selskapet skal ikkje betale ut utbytte til aksjonærane eller på annan måte gjere disposisjonar til fordel for enkelte av eigarane, eller på annan måte disponere av selskapet sine ressursar til føremål som ligg utanfor selskapet sine, idet eitkvart økonomisk resultat av verksemda skal disponerast til selskapet sitt føremål.