ØRSKOGFJELL SKILAG

Formål

Foreininga sitt formål er å drive idrett organisert i Norges idrettsforbund og olympiske og paralympiske komité (NIF). Arbeidet skal vere prega av frivillig innsats, demokrati, lojalitet og likeverd. All idrettsleg aktivitet skal byggje på grunnverdiar som idrettsglede, fellesskap, helse og ærlegdom. Skilaget skal fokusere på breiddeaktivitet for langrenn, alpint, snowboard og andre som bruker området på og rundt Ørskogfjellet. For langrenn skal skilaget bidra til aktivitet for mosjonistar og andre som bruker løypene mot Jutevatnet og Haugsetra. For alpint, snowboard og anna aktivitet, skal skilaget stå for aktivitetar i alpinanlegget på Ørskogfjellet, og arrangere kurs i alpinopplæring, snowboard- opplæring, teknikk kurs og smørekurs for sine medlemar der dette er naturleg. Skilaget skal også leggje til rette for dei av medlemane som er funksjonshemma som t.d. sitski. Skilaget skal der dette er naturleg arrangere turar, treningsrenn og konkurranserenn for alle dei ulike greinene som er med i skilaget. I tillegg skal anlegget nyttast til aktivitetar for idrettsskuler/barneidrett for idrettslaga i Ørskog, Vestnes og kommunane rundt, for å inspirere til skiaktivitetar for barn og unge i eit godt og trygt miljø. Klubblokalet til skilaget vil vere Varmestova ved start av langrennsløypene og alpinbakken ved anlegget på Ørskogfjellet.